«Ikkje kødd med landbruket» seier Bjørn Lødemel Foto: Olin Henden
På spørsmål om kva Høgre ville gjere for å betre distriktsappellen svarte Erna Solberg forrige tysdag "Distriktsappell...ja, altså." etterfulgt av stillhet, eller ei på kanten lang kunstpause. Det tok litt tid før partileiaren kom med det ho kalte eit par gode kort i distrikta:
1) Høgre vil ha meir lokal sjølvstyring i kommunane. Meir ansvar og makt skal delegerast frå regjering og fylkesting til kommunestyra.
2) Bøndene må få større råderett til å utvikle eige landbruk.
Begge korta er gode kort, men er ingen tilnærming til distriktspolitikk - begge er sjølvsagte standpunkt hos Høgre! Eigedomsrett og lokalt sjølvstyre er like viktige i sentrale, som i grisgrendte, strøk!
Sjølv er eg frå Sogn og Fjordane - eit ekte distriksfylke. Det er reint vanskeleg å drive valkamp i eit slikt fylke utan å ha ein reell distrikts- og landsbruksprofil og politikk. Høgre manglar dette!
Eg vart derfor glad av å høyre Bjørn Lødemel sitt innlegg tidleg på Landsmøtet i dag, der han sa «Ikkje kødd med landbruket!».
Og det har han all rett til å seie, for det ligg mykje bra i Høgre sitt framlegg til valgprogram:
Høgre ønskjer at omstillingane i jordbruket skal tilrettelegge for lønnsam ivaretakelse av måla i klimapolitikken. Vidare ønskjer ein at næringa og statlege myndigheitar leggje til rette for framleis modernisering av drifta slik at næringa vert best mogleg rusta for framtida. Høgre ønskjer dessutan også å halde fram med subsidiering av landbruket, men at tilskota skal vere meir og målretta og mindre byråkratiske i dag.
Det eg saknar er korleis ein skal hjelpe til med moderniseringa. Ei løysning kan vere å binde meir av subsidiepengane til reformering. La oss gje bønder gulrøter i form av tilskot til reformering og modernisering. La pengane hjelpe landbruket til å finne nye driftsmåtar og nye måtar å tjene pengar på.
Det varmar å sjå at Høgre ser på den frie og sjølvstendige bonden som eit ideal, og har tru på at det ligg store potensiale verdiar i landbruket.
I tillegg kjem deregulering av eit håplaus lovverk som set tak på antal deltakarar i samdrift, buplikt, avstands- og volumbegrensingar.
Eg håpar Høgre sitt landsmøte høyrer på Bjørn Lødemel og ikkje køddar med det som står om landbruk i programmet: Dette er mykje god høgrepolitikk og vil vere ein flott distriktsappell!
|
